KNR.gl Facebookimi
- Inuit allaaserisatsinnut tunngassuteqartut misigisaqartarsimasullu pissarsiarisarnissaanut qupperneq atorsinnaavarput, Webbimi aaqqissuisoq Martine Lind Krebs oqarpoq.
KNR.gl-p Facebookkimi qupperneraniittumi kalaallisut nutaarsiassaasut RSS-feed aqqutigalugu nammineerlutik nutartertartut atuarneqarsinnaapput.
Maannakkumut KNR.gl-mut nuannarinnittut 213-niupput, kisiannili ilaasortaasut amerlanerusinnaagaluarput, Martine Lind Krebs kajumissaarivoq.
Facebookkimi qupperneq webbimi aaqqissuisunit ingerlanneqassaaq, KNR-llu nittartagaani ingerlanneqartunik tamakkiisumik matussusiinaviarnani, nutaarsiassanillu nutaanik kisimi saqqummersitsisoqartassalluni.