KNR2-mi sapaatit akunnerata naanerani assammik arsartut
Assammik arsarluni nunarsuarmi pissartanngorniuunnermit Spaniami ingerlanneqartumit sapaatit akunnerata naanerani isiginnaagassaqarluarpoq. Danmarkip semifinalernera, bronzennanniunneq ajugaaniutivinnerlu KNR2-kkut toqqaannartumik isiginnaarneqarsinnaassapput.
Allattoq Peter Troelsen, Simon Uldum
januaarip 25-at 2013 07:33
Assammik arsarluni nunarsuarmi pissartanngorniuunnermi Spaniami ingerlanneqartumi Danmark Kroatialu ualimut pissanganarluinnartumik semifinalilerpata isiginnaarsinnaavatit. KNR2-p unammineq nal. 17.20-mit toqqaannartumik aallakaatissavaa, unamminerullu Barcelonami ingerlanneqartup naammassinerani naliliineq ilanngullugu malinnaassaagut.
Arfininngorpat bronzennanniuttoqassaaq, unamminerlu taanna nal. 14.30-mit toqqaannartumik isiginnaarneqarsinnaavoq, sapaatiuppallu KNR2-p pissartanngorniutivinneq nal. 12.30-mit aallakaatissavaa.
