KNR unnuami aallakaatitsisalissaaq

apriilip 01-at 2005 16:59

Kalaallit Nunaata Radioa unnuakkut aallakaatitsisalissaaq, unnuaru unnuap qeqqanit ullaamut arferngup tungaanut aallartittumik.

Unnuami radio sapaatip-akunnera ataaseq misiliutaagallartumik ingerlassaaq, misilittakkallu tunngavigalugit ineriartorteqqinniarlugu nalileeqqittoqassaaq.

Ullup ingerlanerani aallakaatinneqarsimasut aallakaatinneqartassapput, unnuakkut sulisartut ullup ingerlanerani tusarnaarnissamut periarfissaqanngitsut taamaalillutik unnuakkut tusarnaarnissamut periarfissaqalissammata. Aamma KNR-ip toqqorsivianit DR-imillu tigusanik aallakatitsisoqartassaaq, erinniarsuarnik oqitsunik ilaartorneqartassalluni.

Unnuami radio sapaatip-akunnerani misilinneqareerpat ullut tamaasa unnuakkut taama aallakaatitsisalernissaq siunertaasoq, ukiullu qanoq ilinera malillugu naleqqussarneqartassasoq, KNR-ip pisortaanera Lars Lennert-Sandgreen allappoq.