KNR-TV-mi piviusulersaarutit soqutiginartut
Danmarkip Radiota kanaliani, DR 2-mi aallakaatinneqartartumi, piviusunik tunngavilinnik aallakaatitassiaani, Dokumaniami, kalaallit inuusuttut pingasut Københavnimi angerlarsimaffeqanngitsut inuunerat pillugu filmiliaq takutinneqassaaq, aamma inuusuttuaqqat sisamat Kalaallit Nunaanni najugaqartut siunissami takorluugaat pillugu filmiliaq takutinneqassalluni.
Filmi "Hjemløs", kalaallit inuusuttut pingasut Københavnip aqquserngini ulluinnarni inuuniarnerat ilungersunartoq pillugu filimiliaq, unnugu nalunaaqutaq qulinut aallakaatinneqassaaq.
Taanna takutinneqareerpat, nalunaaqutaq aqqanermut tanneq aqqanermut aallakaatinneqassaaq "Teenagedrømme i Grønland". Taanna Kalaallit Nunaanni inuusuttuaqqat takorluugaat pillugit filmiliaavoq. Inuk, Kim, Ayla aamma Malik inuttaapput, taakkulu siunissami takorluukkatik pillugit filmimi oqaluttuassapput.
Taakkua angorusutaat tassaapput ilinniagaqarnissaq, ilaata ataatsip rappertartutut nunarsuaq tamakkerlugu tusaamasanngornissaq angorusuppaa, arnartaat nujalerisunngorniarnini pillugu oqaluttuassaaq, kiisalu Malik inuk nuannaartorinerpaasani pillugu oqaluttuassalluni.
Inuusuttuaqqat sisamat takorluukkatik pillugit oqaluttuassapput, inersimasunngornissaq aamma oqaluttuarissallugu.
Kalaallit inuusuttut pillugit TV-kkut piviusulersaarutit unnugu nalunaaqutaq quliniit unnuap qeqqanut tanneq arfineq pingasut tungaanut aallakaatinneqassapput.
