KNR-TV-mi nipilersortunik aallakaatitassiaq nutaaq

KNRip nipilersorneq pillugu aallakaatitassiaa nutaaq "Tusartaat" ualimut nalunaaqutaq 16.00 aallakaateqqaarneqassaaq. Aallakaatitami siullermi nipilersukkat kalaallisoortuinnaassapput.

Nipilersortunik inuusuttunut aallakaatitassiaq nutaaq ualimut takuteqqaarneqassaaq. Tassaavoq "Tusartaat" ulluinnarni nalunaaqutaq sisamaniit tallimat tungaanut aallakaatinneqartartussaq.

- Kalaallit nunanilu tamalaaneersut nipilersugaat takutittassavagut. Kisianni ualimut kalaallit nipilersugaat kisimik takutinneqassapput, KNR-ip inuusuttunut aaqqissuisoqarfianit Vivi Sørensen aamma Pipaluk Lind oqarput aallakaatitaq siulleq piareersaataa.

Aallakaatitassiaq nalunaaquttap akunnera ataaseq missaliorlugu sivisussuseqartartussaasoq unnuap qeqqariilaarnerani aallakaateqqinneqartassaaq.

- Aallakaatitsivimmiittoqarata aallartissaagut, kisianni aallakaatitsivimmi ilisarititsisoorusuttunut misiliititsiumaarpugut, KNR-ip inuusuttunut aaqqissuisoqarfianit Vivi Sørensen aamma Pipaluk Lind oqarput.

Aallakaatitami siullermi nipilersortunik videot takutinneqartussat toqqartorneqareerput. Tassaapput Zikaza, Nanook, Qaammataasat, Nivi Nielsen, Simon Lynge, Small Time Giants, Nuuk Posse, Ole Kristiansen, Sonnet aamma Uummat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat