KNR-TV-kkut assammik arsarluni unamminerpaalussuit
Assammik arsarluni unammersuarnernit aallakaatitsisinnaanerit KNR-TV-mit nuannaarutigineqarput.
Taamatut tamakkiisumik aallakaatitsisinnaanerit piviusunngorsinnaanerannut pissutaavoq unammiffissap tv-kkut aallakaatitsinissamut naleqquttuunera
akuerisaaneralu. Tamatumunnga pissutaaqataavortaaq unamminerit Nuummi ingerlanneqarnissaat.
- Aallakaatitsinerni atugassarititaasut pitsaasuunissaat aammattaaq qulakkeerneqarsimavoq aningaasartuutillu eqqarsaatigalugit atugassat amerlavallaassanngillat, tassami angalanernut aningaasartuutaasimasinnaagaluartut sipaarutigineqassammata, taama nalunaarpoq TV-kkut
aallakaatitsisarnermi pisortaq Jan Berg.
Puljekkuutaarluni unamminerit tamaasa aallakaatinneqassapput. Arnat unammisaqattaarneri angutillu puljekkuutaarlutik unammineri aallakaatinneqassapput.
Angutillu ajugaaniuttarneri aamma aallakaatinneqassallutik.
Anngunniunnerit tamaasa, bronzenanniunnerit ajugaaniutivinnerillu aallakaatinneqassapput.
Unamminerit katillugit 27-it isiginnaarneqarsinnaassapput.
Unammeqattaarnerit aallartissapput ataasinngornermi martsip ulluisa 31-anni. Finaalernerit aallakaainneqassapput sapaammi aprilip ulluisa 6-anni.
Unamminerni oqaluttuussapput Ulf Abrahamsen, Finn Nielsen, Noah Mølgaard aamma Arnarissoq Fleischer.