KNR KNR TV-ip filmi SUME - Mumisitsinerup Nipaa takutilerpaa
Nuannaarutigeqaarput filmip nuna tamakkerlugu siaruarternissaanut KNR periarfissinneqarmat, aallakkaatitassiornermi pisortaq Jan Berg oqarpoq.
Canadami filmfestivaleqartitsinermi Imaginative Fimfestival-imi taaneqartumi filmi Sume-Mumisitsinerup Nipaa marloriarluni nersorniarneqarpoq. Filmi Sume-Mumisitsinerup Nipaa Inuk Silis Høeghimit ilitsersuisuuffigineqarpoq suliarineqarneranilu aqutsisuuvoq Emile Hertling Peronard.
Septembarip qaammataani Nuummi filmi takutinneqaqqaarmalli eqqarsaatersuutigisimavarput qanoq iliornikkut Kalaallit-Nunaata sinneranut takusassiaralugu ingerlaartinneqarsinnaanersoq. Kalaallit-Nunaata isorartunerujussua angallassiniarnermilu ajornartorsiutaasut pissutigalugit filminik takutitassanik ingerlaartitsiniarneq imaannaanngeqaaq.
Illoqarfiit inoqarfiillu allat imaasiinnaarlugit angusinnaanngisagut KNR aqqutigalugu angusinnaanngoratsigit nuannaarutigaarput, Emile Hertling Peronard ingerlaqqilluni oqarpoq.
Filmi Sume-Mumisitsinerup Nipaa arfininngorpat novembarip ulluisa 22-anni 2014 nal. 20.00- arfineq pingasunut KNR 1-kkut takuneqarsinnaassaaq.
Paasisaqarnerorusukkaanni TV-mi pisortaq Jan Berg jbe@knr.gl imaluunnit Piorsaavimmi pisortaq Niels Pavia Lynge npl@knr.gl oqarasuaat 36 15 00 attavigineqarsinnaapput.
