KNR-radio sumiluunniit tusarnaarsinnaanngorpat
Inuppassuit apeqqutigiuartarpaat sumiikkaluarunilluunniit KNR-Radio tusarnaartarsinnaannginneritsik, tamannalu ullumikkumiit tassa periarfissaqalerpoq.
Tassa Japanimiikkaluaruilluunniit www.knr.gl. tooriarlugu ullaakkut nutaarsiassat tusarnaarsinnaavatit.
Tusarnaartartut soqutiginnittut taama kiffartuunneqarsinnaalernerat KNR-imi nittartagalerisup, Ulloriaq Lundbladip, nuannaarutigaa.
- Kalaallit Nunaanni tusagassiuutit aatsaavissuaq taama neqerooruteqarsinnaalerput, neriuppungalu inuppassuit tamanna nuannaarutigissagaat, Ulloriaq Lundblad oqarpoq.
Uagullu maani KNR-imi sulisuusugut inunnit, immaqa sulinngiffeqarlutik, nunani ungasissorsuarmiittunit tusarnissarput soorunalimi qilanaaraarput, taakku immaqa nunani kiattuni nillataartunik imeruersaatigalutik sissameerujoorput, kalaallisullu nutaarsiassat tusarnaarsinnaallugit.