KNR radio aallakaatitassiornermi pisortartaalerpoq

Tusagassiortoq Henriette Rasmussen KNR-imi immikkoortortaqarfimmi radiumi aallakaatitassiornermi pisortatut atorfinippoq.
Allattoq Noah Mølgaard
maajip 16-at 2012 11:05

Henriette Rasmussen radiomi aallakaatitassiornermi pisortatut 1. juni 2012 sulilissaaq. Henriette ilinniartitsisutut tusagassiortutullu ilinniarsimasuuvoq. Naalakkersuinermik suliaqarnerup kingorna Henriette Rasmussen aalajangerpoq tusagassiuuteqarnermi sulinermut uterniarluni, taamaalillunilu ukiuni qaangiuttuni radiomi itisilikkanik aallakaatitasiorneq sammisimavaa.

Henriette Ramussenip taarserpaa Knud Aalua Lynge radiomi sulinerminik nangitsisussaq akisussaaffigissallugit KNR-ip avataani suleqateqarneq allaffissornikkullu suliassat assigiinngitsut.

- Henriette Rasmussenip atorfininneratigut radiop aqunneqarnera nukittorsarneqassaaq. Henriette Rasmussenip misilittagai anguniagaalu aqqutigalugit radiomi aallakaatitassiat pitsanngorsarneqarnissaat kivinneqassaaq, KNRip pisortaa Ivalo Egede oqarpoq.

Henriette Rasmussen KNR-ip siulersuisuini sulisut sinnerlugit qinigaasoq tassanngaanniit tunuassaaq, kingoraartigissallugu sinniiisussani tusagassiortoq Karline Platou.