KNR qarasaasiakkut ajornartorsiuteqarpoq

Nuummi innaallagissiornerup tallimanngormat kipisoornerata kingorna Kalaallit Nunaata Radiuaniit qarasaasiatigut atassuteqarsinnaajunnaarpugut.
novembarip 17-at 2008 10:36

Taamaammat KNR-ip nittartagaanut isertoqarsinnaanngilaq, aamma uagut KNR-imiit internetikkut atassuteqarfigineqarsinnaanngilagut.

Qarasaasiakkut allakkanik tigooraavipput nassiussuivippullu aamma atorsinnaanngikkallarmat allakkat qarasaasiakkut nassiussat apuussinnaanngillat, soorlu aamma uagut allakkavut avammut nassiunneqarsinnaanngikkallartut.

Qarasaasiakkut attaveerunnerup kinguneranik aamma KNR-imi tekst-TV-mi paasissutissat, soorlu timmisartut ingerlaarnerannut tunngasut, nutarterneqarsinnaanngikkallarput.

TELE Greenlandimiit ajoqutaasoq nassaariniarsaraat, taannalu iluarsineqartinnagu KNR-imiit nutaarsiassat killeqarallarnerat ajuusaarutigaarput.