KNR Nutaarsiassat nipilersuummik nutaamik ilisarnaatitaarpoq
- Unammisitsinitsinni 27-t peqataapput. Nipilersuummik ilisarnaatissatsinnik siunnersuutit amerlallutillu tusaruminaqaat, toqqaanissarlu ajornaatsuinnaasimanngilaq. Knud Mathiassenip siunnersuutaa uummarippaluttuuvoq, taamaammallu Qanoruumut Radioaviisimullu tulluarluinnarluni, KNR-ip pisortaa Ivalo Egede oqarpoq.
Ilisarnaatiliortoq Knud Mathiassen Uummannami lastbiilinik ingerlatitsisuuvoq, nipilersoqatigiillu Taaq erinarsortartuuffigalugit.
Knud Mathiassenip ajugaanermini akissarsiassai 25.000 koruuniupput, KNR-imi Kissaatigisat aningaasaateqarfiata tunniussai akissarsiarissallugit.
Radioaviisip Qanoruullu ilissarnaatissaat ukiaru septembarip aallaaqqaataani atuutilissapput.