Kinali atorfinitsinneqarnersoq sulisunut tusagassiutinullu tallimanngorpat aatsaat tusarliunneqassaaq.
- Atorfinitsinneqartup ilaquttani ilisimateqqaarusussimammavai, taamaattumilli tallimanngorpat tamanut tusarliussissalluta isumaqatigiippugut. KNR-imi pisortaaneq Lars Lennert-Sandgreen oqarpoq.
Nutaarsiassaqartitsivimmi pisortatut atorfinitsinneqartup kingoraarpaa, Najattaaq Mathiassen, siorna ukiup aallartilaarnerani soraarsitaasimasoq.
Atorfinitsinneqartup Qanorooq aamma Radioavisi septemberip aallaqqaataanit pisortaaffigilissavai.
Nutaarsiassaqartitsivimmi pisortatut atorfik ukioq sinnerlugu inuttassarsiuunneqarsimavoq, arlaleriarlunilu allagarsiisoqartarsimalluni.
- Atorfinitsitsiniarneq peqqissaarullugu pisimavoq, qinnuteqartullu sisamat tamarmik oqaloqatigereernerisigut maanna atorfinitsitsivugut. Lars Lennert-Sandgreen erseqqissaavoq.
Atorfinitsinneqartoq suminngaanneernersoq, nunatsinneernersoq imaluunnit nunanit allaneersuunersoq pisortaanerup oqaaseqarfigiumanngikkallarpaa.