KNR nutaarsiassaqarnermi pisortassaaruppoq
Kalaallit Nunaata radioata nutaarsiassaqartitsivianut pisortassarsiorneq aappaassaanik allagarsiunneqareersoq qinnuteqarsimasut arlaannaalluunniit KNR-ip pisortaasa atorfimmut tamakkiisumik piukkunnartutut isiginngilaat.
Inuit pingasut atorfimmut qinnuteqarsimapput, kisianni KNR-ip pisortaasa siulersuisuisalu qinnuteqarsimasut nalilerpaat ujartukkamik isumaliutimittut piginnaassuserisassaanut naleqquttunik qinnuteqartut arlaannaalluunniit piginnaassuseqanngitsoq.
Pisortassatut piumasarput p-mik angisuumik aallaqqaateqartussaavoq, nutaarsiassaqartitsivimmilu pisortassarsiunngilagut atorfinitsitsiniaannarluta, KNR-ip direktøria, Lars Lennert Sangdreen, aalajangernertik pillugu oqarpoq.
Pisortassarsiorneq qaqugu allagarsiuteqqinneqassanersoq suli aalajangiiffigineqanngilaq.
