KNR niviarsissat erinarsoqatigiivinik pilersitsissaaq
Kalaallit Nunaata Radioata erinarsoqatigiivi niviarsiaqqat Mads Lumholtimit TV2-ip erinarsornermik unatsisitsinerani AllStars-imi peqataasup aqussagai pilsaarutaavoq. Mads Lumholt maannakkut Nuummi najugaqartoq, erinarsoqatigiinni Danmarkimi najugaqartuni Avaakkuni aqutsisuunikuuvoq.
Kalaallit Nunaata Radioata erinarsoqatigiissai niviarsissanik aqqaneq-marlunniit 18-inut ukiulinnik inuttaqartussamik aamma meeqqat arfinilinniit aqqaneq-marlunnut ukiullit erinarsoqatigiivinik erinarsortartoqassaaq, erinarsoqatigiillu aallartinneqarnissaanut KNR maannakkut suliniuteqarpoq.
Erinarsoqatigiit allartinneqarnissaannut KNR aningaasaateqarfinnut qinnuteqarpoq, erinarsoqatigiit allartinniarneqarneranni Danmarks Radio suleqatigineqarpoq.
Kalaallit Nunaata radioata erinarsoqatigiivisa allartinniarneqarnerat maannakkut suliniutigineqarpoq, neriuutigineqarporlu aasap ingerlanerani piviusunngortinneqarumaartoq, KNR-ip siuarsaaviani pisortaq Martin Chemnitz oqarpoq.