KNR Music Awards Inussivimmut nuunneqarpoq
KNR Music Awardsip sumi ingerlanneqarnissaa allannguuteqarpoq.
Nuummi Illorsuarmi Timersortarfimmi sisamanngornermi unnukkut ikuallattoqarneratigut KNR Music Awards Inussivimmut nuunneqarpoq.
Allattoq Mads Lynge
Nipilersornermik aaqqissuussineq tullianik tallimanngorpat februaarip aallaqqaataani ingerlanneqassaaq.
Tamatumunnga atatillugu nipilersortartut tusarnaartitsisussat amerlineqarput – tassami Julie Berthelsen aamma Kimmernaq Kjeldsen tusarnaartitseqataasussanngormata.
Nipilersornermik aaqqissuussineq KNR-TV-kkut radiukkullu toqqaannartumik, tassa tallimanngorpat februaarip aallaqqaataani unnukkut nalunaaqutaq arfineq-pingasuniit aallakaatinneqassaaq.
KNR Music Awards nittartakkatsinni annerusumik paasisaqarfigisinnaavat, tassanilu nersornaaserneqartussatut innersuunneqartut pillugit taaseqataasinnaavutit.