KNR mellembølgekkut
Hans Enoksen naalakkersuisumut Nick Nielsenimut § 37 naapertorlugu apeqqutigaa, mellembølgekkut nunatta sineriaani KNR-ip radioata tusarnaarneqarsinnaanngoqqinnissaa Naalakkersuisut pilersaaruteqarfigineraat.
Allattoq Peter Troelsen, Simon Uldum
maajip 13-at 2013 12:30
Sammisaq siornatigut oqallisaasupilussuusimavoq, KNR-illi mellembølgekkut tusarnaarneqarsinnaanngoqqinnissaa politikikkut maannamut soqutigineqarpallaasimanngilaq.
- Nunatsinni sinerissami angalasortagut umiartortut, aalisartut, piniartut sunngiffimmilu angalasorpassuit assorujussuaq pisariaqartittarpaat KNR-ip aallakaatitsinerata malinnaaffiginissaa, pingaartumik sinerissami silassap angalaarluni pisariaqarluinnartup malinnaaffigisinnaanissaa eqqarsaatigalugu. Taamaattumik sinerissami angalasortatsinnut KNR-ip aallakaatitsinerata tusarnaarneqarsinnaanera unitsinneqarsimasoq aallarteqqinnissaa Naalakkersuisut periarfissiissutiginiarneraat paaserusunnarpoq, Hans Enoksen Nick Nielsenimut apeqquteqaatimini taama allappoq.
