KNR-ip tusarniaaneranut Tusagassiortut Peqatigiiffiat peqataatitaqarusunngilaq
Tusagassiortut peqatigiiffiannit KNR-ip tusarniaaneranut isumasioqatigiissitsineranullu peqataatitaqarniaratik nalunaarput.
Tusagassiortut teknikkerillu KNR-imi sulisut atugarisaat tusarniaanermi imaaliallaannaq aaqqinneqarnissaat, Tusagassiortut peqatigiiffianni siulittaasumit, Mariia Simonsenimit ilimagineqanngilaq.
- Tusarniaanerup qulequtai misissoreerlugit isummerpugut pissutsinut massakkut atuuttunut ungasippallaartut. Taamaattumik oqalliseqataanissarput pissusissamisoorsorinngilarput, pissutsinik ilungersunartunik ilisimasaqaratta, taamaattumik ulluinnarnut pissutsininngaanniit soorlu pavunga inornaasattunik oqalliseqataanissarput massakkut kissaatiginngilarput, Mariia Simonsen oqarpoq.
KNR-imi siulersuisut siulittaasuata, Juaaka Lyberthip Tusagassiortut Peqatigiiffiannit peqataarusunnginneq, tusaatissatut tiguaa.
Taamaattorli tusarniagassat 60-it sinneqartut ullut marluk peqataasussaammata, tusarniaanissamut neriulluarpoq.