KNR-ip tusagassiortua Washingtonimi aallaasersortoqarnerani Kongressimiittoq

- Kalerrisaarut aallartippoq, ajortumillu pisoqarnera paasilertupallapparput, Arnaq Nielsen oqaluttuarpoq.

Aallaasersortoqarnerata kingunerisaanik kongressip illorsua tamarmi sillimaniarneq pissutigalugu matuneqarpoq. Igalaat saagorneqarput inuillu igalaanut qanilleqqusaanatik, aamma allaffinniiginnartoqarnissaanik piumaffigineqarput.

- Inimut iseqquneqarpugut tassanngaanniillu anillaqqusaanata, Arnaq Nielsen oqarpoq.

Sunaaffa biilinik malersuuttoqarnera aallaasertoqarneranut pissutaasoq. Arnaq biilimik ingerlatsisoq politiinit malersorneqarpoq. Arnaq taanna Præsidentip Illorsuata silataani assiaqutit aqqusaarlugit iserniarsarisimavoq. Tassabuky politiinit unitsinneqarpoq kongressillu paarsisuinit aallaaneqarluni toqunneqarpoq.

Paarsisut ilaat arnamit aporneqarnermi kingorna aqqunarpoq. Politiit ajortumeeriniarnerunngitsoq nalunaarutigaat.

- Uivertoqanngilaq, taamatulli pisoqarnera ilungersunartutut isigineqartoq malunnarpoq, Arnaq Nielsen oqaluttuarpoq.

Arnaq Nielsen tusagassiortut nunanit avannarlerneersut pikkorissartinneqarnerinut atatillugu Washingtonimiippoq.

- Tusagassiortut ulapittupilussuanngorput, tamarmillu aaqqissuisoqarfimminnut siarngutipallapput.