KNR-ip siulersuisui toqqarneqarput
Naalakkersuisut KNR-ip siulersuisussaanik toqqaaqqammerput. Siulittaasunngortoq tassaavoq tusagassiortoq Frederik Lund, ukiuni arlalinni Qanoruumi tusagassiortutut sulisimasoq maannalu naalakkersuisumut ilaasortamut Kim Kielsenimut allattaasoq.
Allattoq Mads Lynge
februaarip 29-at 2008 09:24
Juaaka Lyberth, maannamut siulersuisuni siulittaasuugaluartoq siulersuisuni ilaasortassatut Naalakkersuisunit aamma toqqarneqarpoq.
Sinerissami Takusassiiviit tusagassiiviillu Kattuffiannit Rigmor Thårup Høegh toqqarneqarpoq, tusagassiortoq Naja Paulsen Tusagassiornermik Ilinniarfimmiit toqqarneqarpoq, Isiginnaartartullu tusarnaartartullu sinnerlugit tusagassiortoq Svend Møller KANUKOKA-miit toqqarneqarluni.
Eqqumiitsuliornermik kulturimillu suliallit sinnerlugit tusagassiortoq Tida Ravn toqqarneqarpoq, KNR-imilu sulisut sinnerlugit Martin Chemnitz toqqarneqarluni.
Siulersuisunngortut aqagumiit marsip aallaqqaataaniit atuutilissapput.
KNR-ip pisortaa Lars Lennert Sandgreen taama ilisimatitsivoq.
