KNR-ip paasisai Namminersorlutik Oqartussanit uppernarsarneqarput
Knr.gl-imi ulloqeqqalersoq oqaluttuarisatsitut Siverth K. Heilmann Miiti Lyngep ineqarnermut naalakkersuisutut tunuartitaasup taartissaatut toqqarneqarpoq.
Allattoq Peter Troelsen, Simon Uldum
Kim Kielsenip pinngortitamut avatangiisinullu naalakkersuisunngornissaanik paasissutissat pissarsiarisagut Namminersorlutik Oqartussanit uppernarsarneqarput. Peqatigisaanillu ineqarnermut, pinngortitamut avatangiisinullu naalakkersuisoqarfimmi pisortap Søren Stack Nielsenip pinngortitamut avatangiisinullu naalakkersuisoqarfimmi pisortanngortoq nalunaarutigineqarpoq. Olafur Nielsen ineqarnermut attaveqarnermullu naalakkersuisoqarfimmi pisortaagallartutut atuutissaaq.