KNR-ip nittartagaa akornusersorneqartoq
Unioqqutitsillutik qarasaasianut iserniartartut iluatsitsillutik ippassaq unnukkut arfernup qulit qeqqatalu akornanni KNR-ip nittartagaa katsorsaatinik tuniniaavimmut, viagranik allanillu tissassinnaajunnaarnermut katsorsaatinik tuniniaavimmut nuutsikkaluarpaat.
KNR-imi qarasaasialerinermi pisortap Mark Henriksenip oqaatigaa, unioqqutitsillutik qarasaasianut iserniarsarisut, KNR-ip serveriinut isersimanngitsut, soorluttaaq nittartakkamut isersinnaasimanngitsut.
KNR-imi qarasaasialerisut nittartagaq nakkutiginerulerniarpaat. Matumani serverit arlallit internetimik aqutsiviusut immikkut nakkutiginiarneqarlutik.
Suliffeqarfik internetimi isumannaatsuunissamik suliaqartoq, ataasinngorpat attaveqarfigineqassaaq.