KNR-ip nipilersukkanik nalunaarsuisarnera misissulerpaa

Kodap, erinniortut pisinnaatitaaffiinik isumaginnittuusup, KNR nipilersukkanik atuinermini eqqortumik nalunaarsuisarnersoq misissorusukkaa Atuagagdliutini allaaserinnittoqarpoq.
Allattoq Louise M. Kleemann
juunip 20-at 2008 06:42

Ukiup kingulliup ingerlanerani erinniortut taalliortartullu arlallit KNR-ip nalunaarsuisarneranik naammaginninnginnertik akuttunngitsumik oqaatigisarpaat, tamatumami kinguneranik nipilersortartut aningaasanik pissaraluaminnik tunineqanngitsoortarmata.

Koda maanna aalajangerpoq, 2007 tamakkerlugu kiisalu 2005-imut 2004-mullu nalunaarutigineqartartut, isornartoqartutut isigisatik, misissuiffiginiarlugit.

KNR-ip pisortaata Lars Lennert Sandgreenip nipilersortartut pisassaraluinik tunineqanngitsoortarnerannik oqarneq siusinnerusukkut tunngavissaqannginnerarpaa.

- Tamanna ingasaassineruvoq. Siusinnerusukkut nalunaarutigisimasatsitut ullormut nalunaarsuisarnitsinni ajornartorsiuteqarsimavugut, kisianni tamatuma kingorna pissutsit tamakkua Kodamut tunngasut sukateriffigaavut, Atuagagdliutinut taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq