KNR-ip najukkami tv-qarfiit suleqatiginerulerai
KNR aamma NTK, Nunatsinni Tusagassiuutilerisut Kattuffiat, suleqatigiinnissamik nutaamik isumaqatigiissuteqarput.
![](/sites/default/files/styles/image_934x467/public/article_images/nuuktv_screendump.png?itok=yR6ruSvZ)
Nuuk TV KNR-ikkut nutaarsiassanik aallakaatitsisalissaaq.
Allattoq Jaaku Lyberth
Suleqatigiinneq ullumimit aallartippat nutaarsiassat aamma najukkani pisut NTK-p sinerissami ilaasortaaneersunit KNR TV-kkut aallakkaatinneqartalissapput.
Maannakkut Nuuk TV kisiartaalluni NTK-mi ilaasortani nutaarsiassanik KNR TV-kkut aallakaatitsisinnaavoq. Nuuk TV-llu aallakaatitassiai unnugu nal. 19.30 Qanoruup aallakaatinneqarnerata kingorna aallakaatinneqartalissapput.
Suleqatigiinnissamik isumaqatigiissumik nutaamik aallartitsisoqarpoq, KNR NTK-p ataatsimiinnerani upernaaq manna peqataanerata kingorna. Ataatsimiinnermi tassani NTK aamma KNR suleqatigiinnerulernissamik kissaateqarput.