Politikki

KNR-ip arpatsitsinera iluatsilluartoq

KNR Radiop aallakaatsittagaata Nunatta Nipaata appatsitsinerani inuit 1.319-t Nakuusa pillugu arpammata Nakuusa Bank Nordikimit 5.957 koruuninnappoq. KNR taama ilisimatitsivoq.
Saamerlermiit: Ane Mette Mougaard Nakuusameersoq, Didda Pedersen Bank Nordikkimeersoq, qiterleq Elisabeth Sillehoved Andreasen aamma Bank Nordikkimeersoq, Najaaraq Møller Nakuusameersoq kiisalu Nunatta Nipaani nipeq ilisimaneqarluartoq arpatitsinermi aaqqissuisoq Salome Hansen. Assi © : KNR
Allattoq Mads Pedersen
juunip 09-at 2017 15:18

KNR Radiomi ullaakkut aallakaatinneqartartoq nuannarineqarluartoq, Nunatta Nipaa, Maajip 13-ani nuna tamakkerlugu arpatsitsimmat soqutigineqaqaaq. Illoqarfiit tamarmik nunaqarfiillu arlallit katillugit sumiiffiit 27-it arpatsitsinermi peqataapput, inuillu 1.319 appaqataasutut nalunaarsimallutik.

- Arpaqatigiinnermi pisoqatigiinnermilu meerartatta kinguaassiutitigut atornerlugaasarnerisa akuersaarneqannginnera ersersinniarneqarpoq. Ilutigitillugulu Nakuusamut aningaasanik katersisoqarluni, KNR Radiomi aaqqissuisoq, Salome Hansen, arpatsitsinermi aaqqissuisoq angusamik naammagisimaarinnittoq, oqarpoq.

Arpatsitsinermi peqataasuni siullerni 1.000-ini peqataasoq ataaseq 5 koruunimik tapersiivoq, sinnerinilu peqataasoq ataaseq 3 koruunimik tapersiilluni. Bank Nordik aningaasaliisoralugu 5.957 koruunit Nakuusamut tunniunneqarput.

AAMMA ATUARUK KNR Radio Nakuusamut katersuiniarluni arpatsitsilerpoq

 

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq