KNR-imut tusarnaartartut isignnaartartullu misissuiffigineqarput
Kalaallit Nunaata Radioanik tusarnaartartut tv-kkullu isiginnaartartut isumaannik misissuisitsinermi Qanoruumi nutaarsiassat soqutigineqarnerpaapput.
Allattoq Elisa Isaksen
oktobarip 17-at 2007 07:59
HS Analysep siorna novembarimi decembarimilu radio tv-lu pillugit aalajangiisartut sullillugit misissuinerata tamanna ersersippaa.
Oqarasuaatikkut isumasiorneqartut 810-usut 70 procentiisa Qanoruumi nutaarsiassat assut soqutigalugit akissuteqarput.
Akissuteqartut 68 procentiisa,
KNR-ip radioatigut nutaarsiassanik tusarnaarluartarlutik akissuteqarput.
Soqutigineqarnerpaat pingajoraat radiop toqqorsivianiit allaakaatineqartartut, isumasiunermi akissuteqartut 63 procentii isumaqarput toqqorsivimmit aallakaatinneqartartut assut nuannersuusut.
Isumasiuinermi paasisat ilaatigut KNR-ip politikerinik tusarnaartartunik tusagassiortunillu ukiamut isumasiuisitsinissaani atorneqassapput.
