KNR-imi oqalliffik: Uran – pilluaqqussut perloqqussulluunniit
KNR-imi oqalliffimmi ullumi marlunngornermi politikkikkut maannakkorpiaq oqallisaarnerpaaq sammineqassaaq. Tassalu Nunatsinni uranimik ilumut piiasoqalissanersoq.
Allattoq Walter Turnowsky
oktobarip 15-at 2013 06:17
- Akuersaartut periarfissanik suliffissanillu nutaanik pilersitsinissaa tunngavilersuutigaat.
- Aamma oqallisigineqarnera sivitsorpoq, politikerit maanna akissussaassusermik takutitsisariaqalerput eqqortumillu aalajangerlutik.
- Naamik, akerliusut aalajangersumik oqarput.
- Sumut ingerlanerluta naluipparput.
Aatsitassanut naalakkersuisoq Jens-Erik Kirkegaard, Aqqaluk Lynge ICC-meersoq, oqallinnerup kalaalisoortaani Mikkel Myrupilu Avatameersoq, oqallinnerup danskisoortaani, oqallitsinneqalerpata isummersuutaat tusakkit.
KNR-imi oqalliffik KNR Radiokkut nal. 10.00-11.00 toqqaannartumik aallakaatinneqassaaq. KNR TV-milu nal. 19.30-20.30 aallakaatinneqassalluni.
