Radioaviisit akunnikkuutaartut ullaakkut nalunaaqutaq arfineq-marluniit unnukkut arfineq-pingasut tungaanut. Nutaarsiassat sivisunerusut ullup qeqqanut unnukkullu arfinermiit aallakaatinneqartassapput. Aallakaatitsisarnerit septembarip aallaqqaataaniit taama ingerlanneqalissapput.
Quiasaarisartoq Hans Jukku Noahsen pingasunngornikkut TV-mi pulaartuminik sammisaqartassaaq nipilersortunik akunnilertarlugit. Tallimanngornikkut aallakaatitsivimmi isiginnaartoqarluni ilaqutariinnut aliikkusersuisoqartassaaq. Taanna inuusuttut NUIF-imeersut peqatigalugit suliarineqartassaaq.
Aammattaaq saqqumilaartut pillugit tv-kkut ullut 14-ikkuutaarlugit itisiliisoqartassaaq. Tamannalu Radiaviisimut, Qanoruumut knr.gl-mullu malunniuteqartarumaarpoq. Taanna oktobarimi aallartinneqassaaq.
Inuusuttut nittartakkami isumagineqartassapput, web atorlugu radiomi nipilersuutinik, quiasaarutinik oqallitsitsinernillu inuusuttunit inuusuttunut sammisaqartassapput.
Septembarimi nittartagaq aallarteqqissavarput. Atuisartut You-Tube-kanal atorlugu siunnersuuteqarsinnaalissapput toqqorsivimmiit suut takorusunnerlugit, nutaatullu atuakkat immiussat meeqqanut utoqqarnullu suliat tusarnaarneqarsinnaalissapput.
Pisortap Søren Lennert Mortensenip nutaaliornerit pillugit eqqarsaatersuutai uani atuarsinnaavatit.