KNR aningaasaateqarfimmut qinnuteqarsinnaavoq

KNR-imut aningasaliissutigineqartartut 3 millioni koruunit aningaasaateqarfimmut tusagassiorfiit aningasaateqarfiannut nuunnerisigut, KNR tusagassiorfiit allat assigalugit aningaasaateqarfimmut qinnuteqartarsinnaavoq, taamatut siunnersuuteqarpoq, Demokraatit aningaasaqanermut oqaaseqartartuat Niels Thomsen.
Allattoq Jaaku Lyberth
novembarip 02-at 2009 15:39

Aappaagumut aningaasanut inatsisip ajorseriannginnissaa anguniarlugu aningaasat arlaaninngaaniit aasariaqarsimallugit, Niels Thomsen oqarpoq, taamaattumik KNR-imut aningaasaliissutigineqartartunit 3 millioni koruunit aningaasaateqarfimmut nuunneqarnissaat Demokraatinit siunnersuutigineqarpoq.

Aningaasanut inatsimmi kikkut tamarmik sipaarniarfiginiarneqarput, kikkut tamarmi qapiarneqarput, taamaattumillu tusagassiorfiit aamma pilliuteqartariaqarsimapput, Demokraatit aningaasaqarnermut oqaaseqartartuat Niels Thomsen oqarpoq.

Tusagassiuutit arlaatigut Demokraatinit nutarterneqarusupput, neriuutigineqarlunilu nutaarsiassat pitsaanerusumik inuiaqatigiinnut apuunneqarsinnaalernissaat.

Aningaasaateqarfik tusagassiorfiit qinnuteqarfigisinnaasaat 6 millioni koruuninik anigaasaateqartussatut Demokraatinit takorloorneqarpoq. Aningaasaateqarfik naalakkersuinermik suliaqartuunngitsunit tusagassiorfinnilli ilisimasaqartunik inuttaqarlunilu aqunneqassasoq siunnersuutigineqarluni.

Siunnersuutigineqartoq naalakkersuisoqataasunit Inuit Ataqatigiinnit isumaqatigineqanngilaq. Jane Petersen, IA isumaqarpoq, aningaasat KNR-imit aaneqassanngitsut, tusagassiorfimmi ajornartorsiut allamut nuunneqassammat aaqqiivigineqaranilu.

Naalakkersuisut IA-mit tuavisaarneqarput aaqqiissutissat pillugit tusagassiuutinik suliaqartunik oqaloqateqarnissaannik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq