KNR aallaakaatitseriaatsimut digitaliusumut ikaarsaarpoq

Ullumi ulloq tassaavoq aamma Kalaallit Nunaata Radioani radiokkut TV-kkullu aallakaatitsisarneranut nikeriarfik angisooq.
Allattoq Najaaraq Egede
maajip 18-at 2007 05:29

KNR-i aallakaatitseriaaseq qanganisaq atorunnaarlugu digitaliusumik ingerlatsilerpoq, taamaalilluni KNR TV-kkut aallakaatitassioriaaseq siornagumut naleqqiullugu allanngorluinnarpoq.

- Tulluusimaarutigilaanngitsoorsinnaanngilara, digitaliseeriineq maanna naammassiartulermat, atulissallunilu. Neriuppungalu tamanna pissutsit ilorraap tungaanut saatsinnissaannut aallarniutaajunaartoq, KNR-imi siulersuisut siulittaasuat Juaaka Lyberth AG-mi isumaliutersuummini ilaatigut allappoq.

Aallakaatitassiornermut digitaliusumut ikaarsaariarneq KNR-imi ualeru ilasseqatigiissutigineqassaaq, ilaatigut, Kultureqarnermut, Ilinniartitaanermut, Ilisimatusarnermut Ilageeqarnermullu naalakkersuisoq Tommy Marø peqataasoralugu.

KNR-imi digitaliusumik aallakaatitassiornermut ikaarsaarneq 17 millioni koruuninik akeqartoq, Juaaka Lyberth ilisimatitsivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq