KNIPK-p inuit innarluutillit pisinnaatitaaffii pitsanngorsarusuppai

Kalaallit Nunaanni Innarluutillit Piginnaanikitsullu Kattuffiat taama isumaqarpoq:

- Inunnut innarluutilinnut pisinnaatitaaffiit aamma allatuulli pingaaruteqartigipput. KNIPK-p siulittaasua, Hans Reimer, oqarpoq.

Taanna inuit innarluutillit atugaat pisinnaatitaaffiilu pillugit Nunat Avannarlerni suleqatigiittut Stockholmimi ataatsimiinneranni Kalaallit Nunaat sinnerlugu peqataavoq.

Inuit innarluutillit allatulli illinniarnissaannut suliffeqarnissaannullu pisinnaatitaanerat suliassani pingaarnerpaani ilaasoq, ataatsimiinermi tassani Hans Reimerip erseqissarpaa.

- Inuit innarluutillit inuiaqatigiinni akuulersinneqarnerunissaat, suliffeqarnissaat aamma allatuulli ilinniarsinnaatitaanerat, nunat avannaamioqatigiit arfineq- marluunneersuusugut kingullermik Stockholmimiikkatta siunniupparput pingaartillugu, Hans Reimer oqarpoq.

Decembarip ulluisa pingajuat FN-imit nunarsuaq tamakkerlugu inunnut innarluutilinnut ullorititaavoq.