KNI A/S sinneqartoorluarpoq

Ukiumulli siulianut, tassa 2010-mut sanilliullugit, sinneqartoorutit 5,6 million koruuninik ikinnerusut, KNI A/S-ip tusagassiutinut nalunaarutaani erserpoq.

Siunissami annertuumik isiginiagassatut taaneqarpoq nioqqutissanik pilersuisartoq, Pilersuisoq.

Tusagassiutinut nalunnaarummi erserpoq, Pilersuisup pisisartui amerlassutsimikkut allanngorartut, tamatumunngalu Pilersuisup pisiniarfiinik ataasiakkaanik naleqqussaanissami Pilersuisoq unammillisaqartoq annertuunik.

Toqqorsivinniittuutinik naatsorsuisarnermi ajornartorsiutinik, ukiumi naatsorsuiffiusumi KNI A/S-p naatsorsuutai pitsaannginnerusumik sunnerneqarput. Taamaattumik siunnersortimik avataanersumik suleqateqarluni, periutsit atorneqartut nalilersoqqissaarneqarput, nioqqutissanik pisiffigisartakkat aamma toqqorsivinniittuuteqarneq eqqarsaatigineqarlutik.

Siulersuisunut ilaasortamik nutaamik Naalakkersuisut toqqaapput. Ilaasortanngorpoq
Marianne Wiinholt, taanna nukissiuuteqarfimmi Dong Energi A/S-imi aningaasaqarnermut immikkoortortami pisortap tulliatut atorfeqartoq.

Marianne Wiinholft naalagaaffimmit akuerisaalluni kukkunersiuisutut tunuliaquteqarpoq - taamaattumillu aningaasaqarnikkut aqutsinermi aamma uuliamik nioqquteqarnermi ilisimasanik piginnaasanillu siulersuisunut tunniussaqarsinnaalluni.