KNI Pilersuisoq: Nalornissutissaqanngilaq

KNI Pilersuisoq Royal Arctic Bygdeservicemik ukiortaamiit ingerlatsisunngussaaq. Tamanna pillugu Namminersornerullutik Oqartussat Ingerlatseqatigiiffinnut Allartoqarfia KNI-mut piumasaqarpoq ingerlatsinissamut pilersaarutinik naatsorsuutinik missingersuutinillu sukumiisumik ilisimatitseqqusilluni. Piumasaqaat KNI Pilersuisumit maanna tiguneqareerpoq, pisortaanerlu Gerhardt Petersen ima oqarpoq:

- Piumasaqarneq tigunikuuarput, tukernersortoqanngilarlu uagut tungitsinninngaanniit. Tunniussinissamut atatillugu piumasariinnarnikuuarput KNI siulersuisuisa missingersuutinut pilersaarutinullu akuerseqqaarnissaat. Taamaattumik takuneqarnissaat utaqqimaarnermut peqqutaavoq. Sapaatip akunnarata matuma siuliani siuliersuisut ataatsimiipput akuersaarmatalu perusunneqartut tunniussinnaanngorpagut.

Gerhardt Petersen-ip erseqqissaatigaa Ingerlatservearfiit Allattoqarfianni nalornilertoqarsimassappat nalorninartoqanngitsoq.

-Pilersuineq tamakkerlugu taama isikkoqartillugu tigusussaavarput. Taamaattumik nalorninartoqarneranik taama saqqummiussaqartoqarnera uanga paasisinnaanngilara, tamarmik pilersaarusiorneqareernikuummata. Aamma Royal Arctic Linemut isumaqatigiissutit naammassereernikuupput. Piginnittutsinnut ullumikkut tunniussivugut taamalillungalu neriuppunga paatsooqatigiissimasinnaanerit qaangerneqassasut.