KNI-mi siulittaasumik uparuaaneq Enoksenip kamaatigaa

KNI-mi siulersuisut siulittaasortaavat Simon Olsen pillugu Anthon Frederiksen ippassaq uparuaavoq, Siumukkormiut ileqqortik malillugu kammalaatersorlutik, siornatigut kasiiligaasimasumik qaffatitseqqimmata.

Tassungalu atatillugu, Inuussutissarsiornermut Naalakkersuisoq Siverth K. Heilmann aperaarput, sooq Simon Olsen KNI-imi siulittaasutut ikkunneqarsimanersoq.

- Inuit kikkulluunniit piukkunneqartut saqqummiunneqartarput, kinarsuunera kinannguuneraluunniit apeqqutaatinnagu nalilersorneqartarput, taamaattumik taanna piukkunneqarmat taanna toqqarneqarsimavoq, Siverth K. Heilamann oqarpoq.

Taanna aperaarput, Simon Olsen KNI-mi siulersuisunut siulittaasussatut qanoq piukkunnartiginersoq.

- Uanga apeqqusersornianngilara piukkunnaateqarnera piukkunnannginneraluunniit Siimuut misilittagalerujussuuvoq, allatuulli taanna saqqummiunneqarmat piukkunneqarmallu naalakkersuisuniit akuerseqataaffigisimavarput.

Taanna apereqqipparput, Anthon Frederikseni oqarsimasoq tamanna Siumukkut pissuserisartagaattut iliornerusoq, tassa kammalaatersornerulluni, tamannalu ilumoortuusorinnginneraa aperaarput.

- Uanga taanna Siumukkormiuunnginnama akisinnaanngilara, kisianni oqareernittut pingaarnerpaavoq, inuit piukkunneqartut aammalu aalajangersimagaanni taakkua suleqatigineqassasut. Taakkuusariaqarput naalakkersuisuni aammalu siulersuisuni suleqatigiilluarnissaq pitsaanerpaamik angusaqarnissaq siunertaralugu. Imaanngitsoq una unalu uani peersitaasimammat imaluunniit allatut ajortunik tusagassiutit aqqutigalugit nalilersussallugu, taanna kusananngilaq ileqqoq, Siverth K. Heilmann oqarpoq.

Naalakkersuisut siulittaasuat Hans Enoksen tamanna pillugu oqaaseqartinniaraluarparput, taannali oqaaseqarumanngilluinnarpoq. Hans Enoksen oqarpoq Anthon Frederiksen pissusiluttuummat piffissaajaatiginianngikkini, tamannalu oqaaseqarfigissaguniuk Inatsisartut oqaluttarfianiit aatsaat oqaaseqarfigisinnaagini.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat