KNI-mi siulersuisut pingasunik suli amigaateqarput

KNI A/S-imi siulersuisuni ilaasortaasimasut pingasut, KNI-imi pisortaanermut, Claus Jensenimut, soraarsitsinermut akerliullutik siulersuisunit novembarimi tunuartut Naalakkersuisunit taartissaannik suli toqqaasoqanngimmat Demokraatinit eqqumiigineqarpoq.
februaarip 04-at 2014 14:24

Demokraatimmi Inatsisartuni ilaasortaatitaat, Anda Uldum, KNI-imi immikkut sooq suli ataatsimeersuartitsisoqannginnersoq  §37 najoqquralugu arlalinnik apeqquteqarpoq.

Anda Uldumip ilaatigut paaserusuppaa Naalakkersuisut siulersuisuni ilaasortassanik piukkunnartunik nassaarsinnaasimannginnerat KNI -mi immikkut ittumik ataatsimeersuarnissamut suli aggersaasoqannginneranut pissutaanersoq.

Anda Uldumip aamma ilanngullugu paaserusuppaa KNI -mi siulersuisuni ilaasortassanik toqqaanissami toqqarneqartussat sunik piginnaaneqarnissaat Naalakkersuisut pingaarnerutinniarneraat.

Anda Uldumimmi eqqumiigivaa suli tamanna pisimanngimmat. Naalakkersuisummi siulittaasuata Atassut sinnerlugu inatsisartuni ilaasortat, Gerhard Petersen aamma Knud Kristiansen, aamma §37 atorlugu decembarimi apeqquteqarmata akissuteqarluni allammat siulersuisuusimasut taartissaannik naleqquttunik ujaasineq ingerlanneqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq