KNI-mi siulersuisut nunatsinnut tikipput

Timmisartorsuaq Danmarkimeersoq KNI-p siulersuisuinik ilaasoqarluni Danmarkiminngaanniit Kangerlussuarmut ullumi tikippoq.

Taakku Danmarkimi ataatsimeeqqammerput, ataatsimiinnermilu pisortaaneq Gerhardt Petersen suliffeqarfimmi pisortaanertut soraarsippaat.

Pisortaanerusussamik nutaamik aqutsisuugallartussamik toqqaanissap tungaanut aqutsisuugallartussaq timmisartorsuarmut ilaavoq, suliffeqarfissuup aningaasaqarniarnera ilorraap tungaanut sangutinniarsarissallugu:

75 millioni koruunit. Tassa suliffeqarfissuup ukiup massuma qaammataani siullerni arfinerni amigartoorutai.

Amigartoorut taama annertutigisoq atukkiisartunit aningaasaliisartunillu iluarineqarpallaanngilaq, qummullu atukkiussassatut killiliussat unitsinneqarput.

Aningaasaateqarfinnit aningaasaliinissat atukkiussassallu pillugit siulersuisunngorlaat

maanna isumaqatigiissusiorniarsarilersussaassapput.

Simon Olsen siulersuisuni siulittaasutut inisseqqippoq, atukkiussassani qummut killigititaasoq unitsinneqarmat, suliffeqarfissuup aningaasaqarniarnera kipiluttunarseriaannaasoq.

Sermitsiaq taama allapoq.

- Ilumoorpoq amigartooruteqarnerput, Arctic Green Foodimilu Assartuivimmilu ajornartorsiutigut bankimut attaveqaatitsinnik ajornartorsiortitsisoq, Simon Olsen oqarpoq, nangillunilu:

- Taamaammat aningaasaateqarfiit isumaqatigiissusiorfigisariaqassavagut, Simon olsen oqarpoq.