Kalaallit Niiverfiat KNI københavnimi pisiniarfimmik ammaaniarpoq. Tamanna Nukap KNI-mut nuunneranik kinguneqartoq pisortap Gerhardt Petersenip sermitsiamut ullumi saqqummersumut oqaatigaa.
Københavnimi pisiniarfimmi Nukap Neqillu tunisassiai tuniniarneqassapput. KNI-p pisiniarfissaa nunatta aallartitaqarfiata ungasinngisaani Christianshavnimi inissisimassasoq Gerhardtip Petersenip oqaatigaa, pisiniallu siulliit aappagu pisiniarsinnaaleriissapput.
KNI nittarsaassinerulerusuppoq, neriniartarfiit immikkut ittunik igariaasillit attaviginiarneqarput, taakku umimmaat, savat tuttullu neqaanik pilerisaarneqassagamik.