KNI A/S eqqartuussivimmut qulliunerusumik ingerlatitsiniarunarpoq
Unammillertussaanermut nakkutilliisut kisermaassilluni nioqquteqarneq inatsisinik unioqqutitsinerusoq erseqqissartuarsimavaat.
Suliaq Kalaallit Nunaata Eqqartuussiviani suliassanngortinneqarmat inatsisiusoq pisimasumut atuuttussaatinneqanngilaq, Unammillernermullu nakkutilliisut Østre Landsretimut suliassanngortitsimmata inatsit unioqqutinneqarsimasoq naqissuserpaa.
KNI-p pisortaa Søren Lennert Mortensen Østre Landsretip aalajangiinera ima qisuariarfigaa:
- Østre Landsretip eqqartuussinermi inerniliinera tusarparput.Tapersiisoqanngitsoq paasivarput, Kalaallit Nunaata Eqqartuussivia akerlianik aalajangiivoq, taamaammat atuaqqissaassavarput, eqqartuussisuserisorput peqatigalugu qanoq alloriaqqissinnaanerluta paasiniassagatsigu, KNI-p pisortaa Søren Lennert Mortensen oqarpoq.
Namminersornerullutik Oqartussat piginneqataaffii unammilleqatigiinnermut inatsisip atuuttup ataani inissisimanissaat qulakkeerneqassasoq Unammilleqatigiinnermut Nakutilliisut erseqqissaatigaat.