KNI Christianshavnimiittoq matunialerpaat

Københavnip ilaani Christianshavnimi KNI-p pisiniarfiutaata Strandgademiittup matuneqarnissaa kalaalerpassuit Danmarkimi najugallit sinnerlugit Kattuffiup "INUIT"-p akerlerilluinnarpaa.
oktobarip 11-at 2007 08:19

Danmarkip EU-mut ilaasortaanera, taavalu Kalaallit Nunaata immikkuullarinnera, pissutigalugit Danmarkimi najugaqartuulluni kalaaliminernik pissarsiniarneq ukiut qulit kingulliit ajornakusoortorujussuuvoq.

Taamaammat KNI-p pisiniarfianik, nerisassanik taamaallaat Kalaallit Nunaanniit pissarsiarineqarsinnaasunik, nioqquteqartartussamik, Christianshavnimi 2005-imi ammaasoqarmat nuannattoqaqaaq.

- Pisiniarfiup ukiut marluinnaat qaangiutullu matuneqarnissaanik aalajangerneq siusippallaaqaaq, ukiut marlussuit utaqqilaariarta, Kattuffimmi INUIT-mi siulittaasoq, Birtha Metelmand, allappoq.

Kattuffik INUIT kalaallit Danmarkimi kattuffiisa 21-usut suliniaqatigiiffiinut ilaavoq, KNI-llu pisiniarfiata, nerisassanik Kalaallit Nunaannit taamaallaat pissarsiarineqarsinnaasunik, nioqqutillip, matuneqarnissaanut akerliunera nerisassanik tamakkuninnga mamarisaqartut akornannit tapersersorneqaqaaq, INUIT allaaserinnippoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq