KNI aatsaat taama angusarissaartigisoq
KNI-p ukumoortumik 2018-imut 19-mullu nalunaarusiaani tamanna saqqumiunneqarpoq.
Akileraarut ilanngaatigereerlugu sinneqartoorutit 78 millionit koruuniupput. Taamaalilluni KNI aningaasatigut patajaatsumik inissisimasoq naqissuserneqartoq KNI A/S tusagassiutitigut taama nalunaaruteqarpoq.
Nioqqutissanik pilersuinerup iluani sanaartukkat aserfallatsaaliorneqarnissaannut kinguaattoorutit katillugit 415 millionit koruuniupput - aningaasalersugassallu taama amerlatigisut isumagineqassappata KNI sinneqartooruteqarluni ingerlasariaqarsimasoq erseqqissaatigineqarpoq.
KNI A/S 1.000-it missaannik sulisoqartoq ukiumut 2,5 milliardit koruunit kaaviiaartittarpai, sinneqartoorutillu ilai
KNI-p piginnittuinut, tassa Namminersorlutik Oqartussanut, 20 millionit koruunit immikkoortinneqarlutik.