KNAPK: Uuliap akiata qaffanneratigut aalisarneq akilersinnaajunnaassaaq
januaarip 04-at 2005 05:29
KNI-p uuliamik akitsuinera aalisartunut tupaallaataallunilu aalisarnerup imminut akilersinnaassusianut killiliissasoq, KNAPK-p siulittaasua Leif Fontain oqarpoq.
- Soorunami taama tassanngaannartigisumik uualimik qaffaasoqarnera tupaallaatigaarput. Taama pisoqarneratigut aalisarneq tamaat isigalugu imminut akilersinnaassutsimut killiliissaaq. Assersuutigalugu raajarniarnermi sinneqartortuutit 2 procentit missaanniipput, maannakkullu aningaasartuutit 10 procentip missaannik qaffannerisigut takusinnaalluarparput raajarniarnerup ullumikkutut inissisimatillugu imminut akilersinnaajunnaarnissaa.
Leif Fontain aamma oqarpoq aalisartut aalisarumajunnaarnissaminnut piareersimasut.