KNAPK qaaqqusaasimanngitsoq
Imaani aalisakkat ilaat nunatsinni ilisimalluagarput, ammassak aamma akilinermi Paggivittami nassaassaasoq Islandimi ataatsimeersuarnermi sammineqarpoq. Tassanilu oqaatigineqarpoq, Paggivittaap sineriaani ammassat suffisartut silaannaap allangorneratigut avammut ungasinnerusumut nuussimasut, uumasarnerallu sivikinnerulersimalluni. Nunatsinni ammassaat pillugit Paggivittami misissuisoqarneranut assingusumik oqaaseqartoqanngilaq, tamakkuninnga ilisimasalinnik nunatsinneersumik peqataasoqanngimmat.
KNAPK-p siulittaasua Leif Fontaine radioaviisimut oqarpoq Islandimi ataatsimeersuarnermut qaaqqusaasimanatik, inuttassaqartinngimmassuk kattuffillu peqataatitaqarnissaminut akissaqannginnami. Leif Fontainep ilanngullugu oqaatigaa KNAPK ICC-lu suleqatigiinnissamik isumaqatigiissusioreeramik apuutassatik ICC-p aallartitaata apuussinnaajumaarai.
Leif Fontainep Inuppiaat piniartui tuluttut oqalulluarsinnaammata peqataatitaqartut ajornannginnerusumik oqalliseqataasinnaammata usorsisimaarutigaa.
