Nunatsinni piniartut aalisartullu atugaannik misissuisitsimaneq KNAPK-mit tikilluaqquneqarpoq. Nalunaarusiaq KNAPK-ip siunissami isumasioqatigiinnissamut tunngaviulluarsinnaasoq KNAPK-mit oqaatigineqarpoq.
Piniartut aalisartullu isertitarliortarnerat iliuuseqarfigineqartariaqarpoq.
-Politikerit aalisarnermik piniarnermilli inuussutissarsiutip sumut atorneqarnissaa isummerfigisariaqalerpaat, Leif Fontaine KNAPK-p siulittaasua oqarpoq. Isumaqarpoq piniarnermik aalisarnermillu inuussutissarsiorneq piujuartitsinissaq atorluaanissarlu tunngavigalugu ineriartorteqqinneqartariaqartoq.
KNAPK-ip siunnersuutigaa piniarneq siunissami qularnaarniarlugu piniarnermik ilinniartitaanermik pilersitsisoqassasoq.
Nunatsinni piniartut ukiut qulit ingerlanerinnaanni 4000-inik ikileriarsimapput, ullumikkut 2700-nngorlutik.