KNAPK partiilllu Siumut isumaqatigiissuteqarsimanerat eqqumiippoq

Inatsisartut Aalisarnermut Piniarnermullu ataatsimiititaliaata siulittaasuata Ane Hansen-ip eqqumigiivaa, Kalaallit nunaanni Aalisarnermik Pinianermillu Kattuffik KNAPK, partiimik aaliangersimasumik aalisarneq pillugu isumaqatigiissusiorsimammat. KNAPK partiilu Siumut sapatip akunnerata naanerani, aalisarneq pillugu isumasioqatigiipput, ilaatigut aalisarneq pillugu naalakkersuinikkut suliat ilanngullugit aammalu kattuffiup tunisassiorfiullu akornanni naammassineqartussat. Partiimik Kattuffimmillu isumasioqatigiinnermi isumaqatigiissutigineqarsimasut tusaatissatut Ane Hansen-ip tiguai.

Soorunami partiit kikkullunniit qanoq isumasioqatigiissinnaanerat kikkunnut tamanut ammavoq kisianni kattuffimmik kikkunnut tamanut attuumassuteqartumik politisk uafhængig-iusumik partiimik aalajangersimasumik isumaqatigiissssuteqarneq eqqumiippoq. Taavaami KNAPK-ip inatsisartuni ilaasortat sinneri qanoq pianiaramikkit Ane Hansen aperivoq.

KNAPK-ip Partiillu Siumup isumaqatigiissutigisimasaat isumaqarpunga naalakkersuinikkut suliassaasut, soorlu aalisarnikkut inatsit suli inatsisartuni saqqummiunneqanngitsoq, inatsisartut tamanna suliassarivaat, Ane Hansen oqarpoq. Isumasioqatigiinnermi saqqummiunneqartut tusaatissatut tiguneqarsinnaapput soqutigisaqaqatigiiffiup isummiussarimmagit.

Isumasioqatigiinnermi sammineqartut ataasiakkaat, siunniunneqarnikuupput, soorlu kattuffiup tunisassiorfiullu akornanni naammassineqartussat, Ane Hansen radioaviisimut oqarpoq