KNAPK-p puisinniarneq EU-mi illersoriartorpaa
Puisinik inuussuteqarnerup Issittumi inuuniarnermut pingaassusia EU-mi Nunanilu Avannarlerni paasititsiniutigisaritsik, illuanilli EU-mi sunniiniartartut aningaasaateqarluartut, illuatungilernissaat ajornakusoortaqisoq, KNAPK-p siulittaasua, Peter Olsen, oqarpoq.
- Inuuniarnitsinni Nunatta pissarititaanik atuisussaasugut, EU-mi ilisimanngilaat. Kisianni immaqa Europamiuulluni ajornanngippallaaqaaq, uagut sorraatsumik piniariaaseqarnerassalluta, Peter Olsen oqarpoq.
KNAPK siorna piumasaqarpoq, Namminersornerullutik Oqartussat piniartut sinnerlugit sorsussasut. Uumasunilli illersuiniaqatigiik sukataarlutik isummaminnik saqqummiisarput.
KNAPK soormi aalajangersimasumik aallartitaqanngila?
- KNAPK nunanut tamalaanut ukiuni kingullerni aallartitsisarpoq. Kisianni EU eqqarsaatigalugu, Naalakkersuisut tusaaneqarnerpaasarput, taakkualu ikioqqugaangata tamatigut ikiortarpavut. Nalunngilarput uumasunik illersuiniaqatigiit illersortiminnik aningaasalersorneqarluartuusut, illuanik KNAPK-p ilaasortai kisimik aningaasalersuisuupput, kattuffiullu aningaasaatai eqqarsaatigisariaqaratsigit, inunnik arlalinnik aallartitsisarsinnaanngilagut, KNAPK-p siulittaasua, Peter Olsen, oqarpoq.
