KNAPK-p piniartut taarsiiffigequllugit qinnuteqaassuppai

decembarip 14-at 2004 07:23

Avanersuarmi, Upernavimmi Tunumilu piniartut silaannaap allanngoriartornerata kingunerisaanik piniagassarliornermik eqqugaasut, inuussutissarsiornerminni annaasaqarnermikkut tamarmik immikkut 5000 kr-nik Namminersornerullutik Oqartussanit taarsiiffigineqartariaqartut, KNAPK naalakkersuisunut siunnersuuteqarpoq.

Siulittaasoq Leif Fontaine oqarpoq Inatsisartut 2004-imi qaleralinniarnermi alloriarnissamut aningaasaliissutaat 4 mio.kr.-it atorneqanngitsoortut piniartunut ukioq manna eqqugaasunut taarsiissutitut atorneqartariaqartut.

KNAPK-p siunnersuuteqarnermut tunngavilersuutigaa Naalagaaffiit Peqatigiit inuttut pisinnaatitaaffiit pillugit aalajangersagaanni allassimammat suliffissaarusimaneqartillugu imaluunniit allanik nammineq pisuussutiginngisamik annaasaqarnermi ikiuisoqartassasoq.