- Aatsaat atuutilersinneqarput, kisianni nuannaarutigeqaarput taamatut aalisarnermi akiit appariartorneranni ikiorsiissutit eqqunneqalermata, KNAPK-p pisortaanera Tønnes "Kaka" Berthelsen KNR-imut oqarpoq.Assi: Simon Uldum

KNAPK-p aalisartunut ikiorsiissutit ilorrisimaarutigigai

Sinerissap qanittuani aalisartunut ikiorsiissuteqartoqarnera naammagisimaarnartoq, KNAPK-p pisortaa, Tønnes Berthelsen oqarpoq.

Naalakkersuisut sinerissap qanittuani aalisartunut ikiorsiissutissanik ullumi ataasinngornermi atuutilersitsipput.

Pineqartut tassaapput raajanik, assagiarsunnik saarullinnillu sinerissap qanittuani aalisartut.

Ikiorsiissutissanik tunisinermi akit siorna akinut naleqqiullugit qanoq appartigisimanerat aallaavigalugu tapiisoqassaaq.

AAMMA ATUARUK Naalakkersuisut søsætter hjælpepakke til fiskeriet

Ukiup siulianut naleqqiullugu akit appariaataat siulliit 15 procentit aalisartumit namminermit matussuserneqassapput. Taava appariaataasut 10 procentit tulliuttut nunatta karsianit matussuserneqassapput.

Ikiorsiissutit taakku aalisartut pinartullu kattuffiannnit KNAPK-mit naammagisimaarneqarput.

Tapersiinissamik aaqqissuussinermik suliaqarnissamut suleqatigiissitaq Aningaasaqarnermut Naalakkersuisoqarfimmit, Aalisarnermut, Piniarnermut Nunalerinermullu Naalakkersuisoqarfimmit kiisalu Inuussutissarsiornermut Suliffeqarnermullu Naalakkersuisoqarfimmit, Sulisitsisunit KNAPK-millu inuttalerneqartoq pilersinneqarpoq.

- Aatsaat atuutilersinneqarput, kisianni nuannaarutigeqaarput taamatut aalisarnermi akiit appariartorneranni ikiorsiissutit eqqunneqalermata, KNAPK-p pisortaanera Tønnes "Kaka" Berthelsen KNR-imut oqarpoq.

Ilorrisimaartoq - naak suna tamaat pisinnaanngikkaluarlugu

Isumaqatigiinniarnerit juulip qeqqanili isumaqatigiinniutigineqalerput. Nunatsinnilu aalisartut Naalakkersuisunit ikioqqusut piffissami sivitsortumi tusaaneqarput.

Tapersiinissamik aaqqissuussinermik suliaqarnissamut suleqatigiissitap suliani nangissinnaassagaa pisortaanerup neriuutigaa. Assersuutigalugumi qaleralinniat aamma ikiorserneqarsinnaanissaat KNAPK-mit neriuutigineqartoq Tønnes Berthelsenip oqaatigaa:

AAMMA ATUARUK Aalisartut ikiorsiissutinut utaqqikatattut

Qalerallit akii misissorneqassasut

- Malunnarsigami aalisakkat allat akii aamma sunnerneqartut. Uani eqqarsaatigalugit qaleralinniarneq. Taanna piffissami aggersumi aamma qimerloorneqarsinnaappat assut qujanassaqaaq. Tassa taakkua malunnaatilimmik aamma akii maannakkut sunnerneqaramik, neriuppugut aamma taakkua piffissami aggersumi misissorneqarumaartut, KNAPK-p pisortaanera Tønnes Berthelsen oqarpoq.

Naalakkersuisut sinerissap qanittuani aalisartunut ikiorsiissutaat kingumoortumik aggustip aallaqqaataaniit 2020-mi decembarip 31-ata tungaanut atuutissapput.

Naatsorsueqqissaartarfilli naapertorlugu qalerallit akii siorna akiinut sanilliukkaanni juulip qaammataani 4 procentimik qaffapput, 

Raajallu akiinut sanilliukkaanni taakku 12 procentip missaanik saarulliillu akii 9 procentip missaanik apparlutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat