KNAPK: Oqartussat ikummatissanut tapiissuteqartariaqarput

Polaroilip orsussap akianik liiterimut 1 koruuni 10 øremik qaffaanera aalisartut aningaasarsiornikkut ajornartorsiornerulernerannik kinguneqassasoq, KNAPK-p aarleqqutigilereerpaa. Taamaattumik oqartussat ikummatissanut tapiissuteqarnissaat maanna kissaatigaat.
Allattoq Najaaraq Egede
juulip 08-at 2011 12:28

-  Aalisakkat qaleruallillu akii appasereeqisut pillugit aalisartut atugaat ajornerulinnginniassammata oqartussat ikummatissanut tapiissuteqartariaqartariaqarput, Aalisartut Piniartullu Kattuffianni KNAPK-mi siulittaasoq Leif Fontaine allappoq.

Orsussap literimut 1,10 koruunimik tupannartumik qaffariataarnerata aalisartut aningaasarsiornikkut annertunerusumik ajornartorsiornerulernerat kingunerissagaa ilimagaat.

- Pingaartumik saarulliit, raajallu akii appasereeqimmata aalisartut amerlanerusut akiliisinnaajunnaarlutik inissisimalernissaat KNAPK-mit annilaanngatigineqarpoq. KNAPK-miit isumaqarpugut nunatsinni naalakkersuisut inatsisartullu immikkut ikummatissanut imaani inuussutissarsiuteqartunut tapiissuteqartariaqartut, Leif Fontaine oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq