KNAPK naalakkersuisunut ikioqquvoq
Ikummatissat akitsornerisa kingunerisaannik, aalisartut annertuumik eqqorneqarnissaat pillugu, Naalakkersuisut iliuuseqarnissaat KNAPK-p piumasaraa.
- Taama tassanngaannartigisumik akitsuisoqarnera tupaallaatigaarput. Piffissamilu aggersumi ilaasortatsinnut qanoq sunniuteqassanersoq misissoqqissaariarlugu, iliuuseqartoqarnissaa siunertaralugu, naalakkersuisunut saaffiginnittariaqarpugut.
Anigaasartuutit qaffannerisigut aalisarneq tamarmi imminut akilersinnaajunnaassasoq maannangaaq takusinnaalereerparput, Leif Fontaine oqarpoq.
Aalisarnermut Naalakkersuisoq Rasmus Frederiksen oqarpoq, atorfilittani misissueqqusimallugit aalisartunut tapiissuteqartoqassappat qanoq annertutigisumik ikiorsiisoqartariaqassanersoq.
Erseqqissaatigaali ikiorsiisoqassappat tamanna naalakkersuisuni oqaluuserineqaqqaassasoq.
Pisumi matumani aalisartut paasisinnaallugit aamma Rasmus Frederiksenip oqaatigaa.
