KNAPK INUILI-p siulersuisuini susassaqanngilaq
Nick Nielsenip taamatut oqarnermini pivai akunnittarfiit neriniartarfiillu, pisiniarfiit inuussutissanik nioqquteqartartut aamma suliffeqarfiit inuussutissanik tunisassiortartut. KNAPK taamatut oqaatigineqarsinnaanngilaq suliaqarfimmulli pilersuisutut oqaatigineqarsinnaalluni.
-Isumaqatigaara INUILI-p, soorunami, nunatsinni inuussutissalerinermik ilinniarfittut ingerlatsinermini pisuussutitta pitsaasut atornissaat isiginiassagai, tassungalu atatillugu INUILI-p pilersuisut aggersarsinnaavai, assersuutigalugu sammisat pilersuisunut tunngassuteqartut siulersuisut ataatsimiinneranni workshopiniluunniit suliarineqarneranni KNAPK aggersarsinnaavai, Nick Nielsen oqarpoq.
Nielsenillu tamanna tunngavigalugu sulisitsisut siulersuisuni amerlasuunik sinniisoqarnissaat tooqarsimavaa. Tamatuma saniatigut Nick Nielsenip aamma naatsorsuutigaa suliniaqatigiiffiit siulersuisunut ilaasortassanik atuarfiup ingerlanneqarneranut pisariaqartunik piginnaasaqartunik toqqaajumaartut. Iinniarfimmi ilaatigut igasunngorniartoqarsinnavoq, neqilerisunngorniarluni, saaffiginnittarfimmi sulisutut ilinniarluni aammalu inuussutissalerinermi ikiortinngorniartoqarsinnaalluni.
