KNAPK Ilulissani ataatsimeersualerpoq
Aalisartut piniartullu Kattuffiat KNAPK ullumi aqaguagulu Ilulissani ataatsimeersuassaaq, taasisinnaasunit 32-nit sineriammit tamaneersunit peqataaffigineqartumik. Pisortap John Biilmannip naatsorsuutigaa ataatsimeersuaqataasussat tamarmik Ilulissanut apuunnissaat.
Allattoq Lotte Holm
Siulersuisuunerit aqqaneq marlunnit ilaasortaaffigineqartoq Ilulissani katersuutereerput, ippassarlu ulloq naallugu piareersaataasumik ataatsimiillutik.
Tutsuviginarluinnartumit paasisagut malillugit KNAPKmi siulittaasussarsiorluni tallimanngorpat unammisoqartussaavoq.
Radioaviimit tutsuviginarluinnartumit paasivarput Ilulissaneersoq Henrik Sandgreen, siulersuisuunerni ilaasortaasoq, kiisalu siulittaasumut tullersorti Kali Mølgaard Qeqertarsuarmeersoq aamma siulittaasunngorniartunut unammillerpaluppoq.